( مشوار الألف ميل يبدأ بخطوة )
اولا محتاج مده سنة او شهورعشان تقدر تدخل اي سفارة وتاخد فيزتها بسهولة .. ازاي ورقك يكون قوي ومستحيل يترفض او انت مش موظف في شركة معروفة او راتبك مش كبير او عايز تسافر تعليم او تسافر معرض خاص بالبزنس .. الحل موجود لكن محتاج صبر ومدة وامكانيات
* قاعدة رقم 1 جواز السفر :
طبيعي عشان تسافر لازم يكون عندك باسبور .. طبعا باسبور ابيض و لما تقدم في اي سفارة بيشوفوا ان مفيش اي تاريخ سفريات مش منطقي ابدا أن اول ما اسافر اروح امريكا يعني او اوروبا نقدر نقول أن 90 % من سبب رفض الفيزا عشان الباسبور ابيض .. الحل ؟
لازم قبل مقدم علي فيزا أوروبا او امريكا يكون عندك كام فيزا معقولة علي الباسبور على الاقل واحد او اتنين على الباسبور والحل تسافر بلد فيزتها سهلة او بدون فيزا مثلا تركيا ، جورجيا، لبنان ، نيبال ، المالديف ، اندونيسيا، ماليزيا .تايلاند . قبرص وغيره ( قبرص اتحاد اوروبى وسهلة نسبيا ممكن تكون ثانى فيزا على الباسبور ) هتسافر تتفسح وتتعرف على بلاد جديدة وثقافات جديدة والمدة اسبوع او اقل براحتك على حسب الميزانية وترجع وممكن تسافر 3 بلاد فى سفرية واحدة كمثال تسافر تايلاند ثم ماليزيا ثم اندونسيا وانتهت المشكلة الاولى واصبح الباسبور فيه تاشيرات مع العلم التاشيرات مجرد تقوية موقفك فى السفارة وليس شرط اساسى للحصول على الفيزا
* هتقول اكيد فى ناس خدت شنجن وأمريكا بباسبور ابيض .. فعلا فى ناس حظها مش اكتر ومخاطرة بمصاريف المقابلة والحظ 1% لا نعتمد عليه .
قاعدة رقم 2 المهنة :
قاعدة رقم 2 المهنة :
المهنة في الباسبور لو (حاصل علي ) نحاول نغيرها زى محاسب حر او مهندس حر او موظف في شركة او صاحب عمل واى محامى هيسهل فى الموضوع ومش شرط اساسى المهنة كمثال انا شخصيا معايا 3 تاشيرات والمهنة حاصل على مؤهل ولكن تغييرها يقوى ويدعم الموقف .
* قاعدة رقم 3 كشف الحساب البنكي :
الفكرة تقدر تصرف على سفرك ؟ السفارة بتطلب كشف الحساب بـ ٦ شهور
انت بتصرف فين ؟ بتاكل فين وبتعمل شوبنج منين ؟ بينزلك مرتب منتظم علي بنك ولا مجرد حركات كل شهر تدخل فلوس وتسحب واشتري ببطاقة البنك علي قد ما تقدر بمعنى يكون فيه مشتريات مش سحب وايداع بس ... والاهم مبلغ كافى يغطى الرحلة استلف من اى شخص وطلع كشف حساب بهم ورجعهم بس احذر انك تودع مبلغ كبير مرة واحدة دة سبب رفض لانك ببساطة وضحت لهم تم الايداع عشان السفارة والحل تقسم المبلغ كل اسبوع جزء وهكذا وبلاش كشف حساب مزور لانهم هيتحققوا فيه ويتاكدوا
* قاعدة رقم 4 الروابط :
* قاعدة رقم 4 الروابط :
ببساطة هي الحاجة اللي تخليك ترجع مصر تاني امثلة للروابط وظيفة كويسة بشركة او زوجة واطفال ( في الحالة دي تاخد صور باسبورات الأسرة واثبات قيد للاطفال ) او ممتلكات و شهادات بنكية او شهادة رصيد من البنك Balance certificate واى شئ يكون رابط شخصى او مادى
* المعادلة المطلوب للسفر حول العالم :
* المعادلة المطلوب للسفر حول العالم :
اسيا ثم اوروبا ثم امريكا .. النجاح يحتاج الى تفكير وتخيطيط جيد والسعى والمحاولة لعشرات المرات وعدم الاعتماد على اشخاص لابد من ان تعمد على الله ثم على نفسك ومسيرك هتنجح وتوصل فى يوم من الايام .. ازرع الحلم واسعى لوصوله
لاضافة تعليق او سوال